Golaha amaanka oo kulanka ka yeeshay arimaha Soomaliya iyo sidii loo geyn lahaa ciidamo nabada soo celiya.

Khamiis,Jan,11,2007

Sidii la filayey, 15-ka xubnood ee golaha amaanka kama wada doodin weerarada xaga cirka ee Mareykanka uu ka fuliyey Soomaaliya, laakiin waxa ay dhageysteen warbixin uu soo bandhigay kaaliyaha xoghayaha guud ee Q.M ugu qaabilsan arrimaha siyaasada Ibraahim Gambaara.

Mr. Gambaari waxa uu sharaxaad ka bixiyey aragtida Q.M oo la xiriira in falalka Mareykanka ay sii kordhin karaan uun colaadahii Soomaaliya.

Diblomaasiyiintii ka qeyb galay fadhiga golaha amaanka waxa ay sidii kale ka hadleen qorshaha ku saabsan in ciidamo nabad ilaalineed oo Afrikaan ah la geeyo Soomaaliya si ay u badelaan ciidamada Ethiopia ee hadda caawinaya dowlada KMG.

Ciidamadaasi aya la filayaa inay ka kala yimaadaan wadamada Uganda, Koonfur Afrika, Nigeria iyo Malaawi.oo la filayo todowaadyo gudohood ay soo garaan dalka somalai

Golaha amaanka waxa uu isku afgartay bal in xog dheeri ah laga helo xaalada ay ku sugan yihiin dadka ka qaxay dagaaladii ka dhacay Soomaaliya ee dhexmaray dowlada KMG oo kaashanaysa Ethiopia iyo midowga  maxaakimtii Islaamiga ee soomaaliyeed Danjiraha dowlada Ruushka u fadhiya Q.M Fatali Jeki ayaa kulanka golaha amaanka ka dib, waxa uu sharaxaad ka bixiyey waxyaabahii fadhigooda ay kaga wada hadleen…

“xubnaha golaha amaanka waxa ay walaac ka muujiyeen xasilooni darada iyo xaalada xadgudubka bani’aadimada ee ka jira Soomaaliya.. waxa ay muujiyeen taageerada ay u hayaan qorshaha ah in la diro koox soo qiimeysa xaalada bani’aadnimada ee ka jirta goobha ay diyaaradaha mareenkanka ay duqeeyeen ee koofurta somalai

Golaha amaanka waxa ay isku raaceen in maanta oo Khamiis koox loo diro xadka wadamada Soomaaliya iyo Kenya si ay u soo qiimeeyaan xaalada bani’aadnimada ee halkaasi ka jirta iyo heerka baahida ay u qabaan gargaar. Lala gaaro

Inkastoo golaha amaanka ee Q.M aanay si gaar ah uga shirkooda ugu soo qaadin duqeynta diyaaradaha dagaalka ee Mareykanka ay ka sameeyeen koonfurta Soomaaliya, ayaa haddana danjiraha Mareykanka u fadhisa Q.M Jack Sandaris markii kulanka uu dhamaaday waxa au ka hadashay sababta Mareykanka ay u qaadeen talaabadan.

Cabdulaahi adan isaaq hobyo radio

cabdulaahiboy@hotmail.com