Muqdisho oo ku waa bariisatay kocdoon cusub oo ka dhan ah Ciidamada   Itoobiya.

Sabti,Jan,6,2007

Magaalada Muqdisho ayaa saaka kacsan kadib markii ay shalay Salaad Cali Jeele iyo Cali Max'ed Geedi ku goodiyeen inay dadka Muqdisho xoog hubka looga qaadi doono taasoo keentay  kacdoon mudaharaad iyo rabshada wata oo magaalada sameeyay.

Banaanbaxyo rabshado wata oo taayaro lagu gubayo ayaa waxa ay ka soconayaan fagaaraha tarabuunka ayadoo wadooyinka waaweyn ee magaaladu ay gabi ahaanba xiranyihiin.

Meelaha uu kacdoonku ka dhacay isla markaana wadooyinku xiranyihiin  ayaa waxaa kamid ah Km4, Taleex, Trebuunka, Balaaksii.

si kastaba ha ahaatee kacdoonka ayaa u muuqda midkii qabqablayaasha Muqdisho looga xoreeyay, ayagoo dadka Muqdisho maalmihii lasoo dhaafay  ay ilaaliyeen amniga magaalada, kadib markii ay meesha ka baxeen maamulkii Midowda Maxkamadaha Islaamiga Somaaliyeed.