Xildhibaan Xaaji Muuse Suudi Yalaxow oo siweyn loogu soo dhaweeyay magaalada Muqdisho.

Sabti,Jan,6,2007 Muqdisho,Somaliya

Al-Xaji Muuse Suudi Yalaxow oo ah mudane ka tirsan baarlamaanka Somaaliya ayaa 2:00 duhurnimadii maanta ka soo degay garoonka caalamiga ee magaalada Muqdisho.waxaana Muuse Suudi Yalaxow halkaa uga hortagay qaar ka mid ah maleeshidiisi  oo kusoo dhaweeyay.

Xildhibaan Xaaji Muuse Suudi Yalaxow oo ka mid ahaa Hogaamiyeyaashii Isbaheysigii la dagaalanka argagixisada ee kal hore laga adkaaday ayaa maanta soo gaaray fariisimadii uu ka daganaa magaalada Muqdisho 6 bilood ka dib markii maxkamadaha islaamka lagaga itaal roonaaday Muqdisho, iyadoo si weyn taageerayaashiisana ay ugu soo dhaweeyeen garoonka diyaaradaha ee magaalada Muqdisho.

Muuse Suudi  ayaa horay u sheegay  inay iska casileen Isbahaysiga Argagixiso-la-dirirka, ayaa  waxay wareysi uu ku sheegay inay la dagaalami doonaan Ciiddan kasta oo la keeno, xitaa haddii ay la socdaan Dalka Ethiopia.