Gabaygan waxaa la yiraahdaa “Iska Samir”, waxana tiriyay Avv. Cabdiraxmaan Xaaji Ereg,

Gabaygan waxaa la yiraahdaa “Iska Samir”, waxana tiriyay Avv. Cabdiraxmaan Xaaji Ereg, wuxuna jawaab u yahay Gabaygii “SALAL” ee ay tirisay Marwo Maryan Warsame Cawl.

Siinlayda gabayga Maryamay adigaa saamigeed helaye

Suugaanta Hablaha waayahan adigaa calanka u side e’

Waxa aad saluugtay iyo wixii aad suuraddeed ifisay

Waa wada sax oo waa waxan caadba saarnayne

Hayeeshe, dadka uma sinnee aniga sallow igu beerye

Saxariir aan qarsanyay ayuu markale uga sii daraye.

Soomali docdii aad eegtaba saaqday dhiilladuye

Soo jireenka cadowgeedi ayay talada saarteene

Seetaha iyo boqnaha uu goynayoo sed moodeene

Saac aan jirin iyo dhalanteed baa darbi loo suraye

Silica iyo saxarirta ay qabaan dahaar laga saaraye

Sallanka waxaa loo fuulayaa waa sad  quureede

Soomaalinimadii iyo sharaftii suubanaan ma lehe

Magacii Soomaali inuu suulo bay ku socotaaye.

Saameeh dalkeenna oo idil saman colaadeedku

Sokeeyaha is- dilayiyo ee waxba kala sidanin

Birta la isku soohdiyo duulkan seedaha isgooyay

Saqiirra gawraca iyo xasuuqa sabab la’aantaasa

Siyaasadahan gurracan iyo geeda sarawaabka

Sahan la’aanta geediga iyo seera dhaafyadaba

Suuradihii qurankiyo sunnihi loo saldhigiwaaye

Dhaqankiyo hiddihii suubanaa duurka lagu sayray.

Salfudayd mooye markii sakuun laga wayay

Sidii duulka saar qaba ama saqraan waalan

Waxay sarakacan amaa geed salooshaanba

Waataas abaar lagu saliday soof ma reebtaaye

 Cudurrada silloon waataas  saaqday idilkoodo

Sidii soofka xoolaha waataa seero laga buuxshay

Waataas saboolnimo darteed silicu haystaaye

Waa kuwaas badaha lagu sayriyaa sabiyadoodiiye

Waataas sawirrada laga naxaa meel waliba surane

Sankuneeflaha oo idi waataas laga wada soocay

Garba siman duul aan kala sarreyn waa si gooniye e

God sired kii qodayiyo iyo midkii saamahood tolaya

Samadoon iyo waxgarada ama macangag soo taagan

Siyaasi qaaibay iyo kuwaa suuqyada ka buuqa

Lama kale saaaro oo waa waxay hagari saanyootay.

Mar haddii sahankaadi iyo saadaashu isdiiday

Oo saluugno ku yimid maamulkii iyo dhaliil suganba

Caqabada soocan iyo waxa jiro sabab gooniyahe

Oo Soomaalida aan ula simannahoo saaidaa jire

Farya-suulis kama maarantiyo saxitaan dhabe

Sabiguba ciidan lagama sugo dhowr sanoo hore

Sasab iyo waxa lagu korshaa camal samaantaas

Iska samir insnsha’alla waqtigu waa ku saacidine

Kala Xiriir
Hobyo Media Network Gaalkacyo iyo Ceelguula, Galmudug, Somalia
E-mail:  hobyoradio@hotmail.com ama hobyoradio@gmail.com

Email*

Website*