Madaxweyne Maxamed Axmed Caalin oo Gaaray Maanta Dagmada Cadaado Ayadoona halkaas Si diiran loogu soo dhaweeyay.

Masuuliyiinta maamulada Ximan & Xeeb iyo Galmudug oo ku kulmay Cadaado

 
Maxamed Axmed Caalin Madaxweynaha Maamulka Galmudug Ayaa Gaaray Dagmada Cadaado Asagoona halkaas Shir kula yeeshay Madaxweynaha Maamulka Ximan iyo Xeeb.
 
Shirkaan Ayaa Waxa uu ka dhacay Dagmada Cadaado ee Xarunta Maamulka Ximan iyo Xeeb, Ayadoona ay goob joog ahaayeen Madaxweynaha Maamulka Galmudug Maxamed Axmed Caalin iyo Madaxweynaha Maamulka Ximan iyo Xeeb Maxamed Macalin C/laahi Tiicey, Shirka ayaa Sidoo kale Waxaa Goob joog ahaa Culuma'udiin, odayaal iyo Waxgarad ka soo kala jeeda Maamulada Galmudug iyo Ximan iyo Xeeb.
 
Markii uu Shirka soo gaba gaboobay Ayaa Idaacadda Hobyo Waxaa uga Warbixiyay Waxyaabihii Shirka looga hadlay Madaxweyne Maxamed Axmed Caalin, Asagoona Shaaca ka qaaday in ay ka wada hadlayeen Nabada Gobolka Galgaduud iyo Sidii Dadka Walaalaha ah ee Dirirtu dhex martay loo heshiisiin lahaa, Madaxweyne Caalin ayaa intaas ku daray in Shirkaasi uu is afgarad ku soo dhamaaday.
 
Sidoo kale waxa Idaacadda Hobyo ay Waraysi la yeelatay Madaxweynaha Maamulka Ximan iyo Xeeb Maxamed Macalin C/laahi Tiicey, Waxa uuna dhankiisa Shaaca ka qaaday in Shirkaasi uu si heer saro ah uu U soo gaba gaboobay Asagoona Ugu baaqay Dhamaan Dadka Shacabka ah Ee Ku dhaqan Gobolka Galgaduud in ay ka shaqeeyaan Nabada Gobolka.
 
Waxaa la filayaa Shir midkaan daba socda in maalmaha fooda nagu soo haya ay yeelan doonaan odayaasha iyo Waxgaradka Maamulada Galmudug iyo Ximan iyo Xeeb.
 
Dhan walba hajirtee Shirkaan ayaa Waxa uu ku dhamaaday is afgarad labada dhinac ee Shirka Yeeshay Galmudug iyo Ximan iyo Xeeb.
 
W/D Siciid Jaani
Photo C/kariin Salaad Maxamud Dhaqane
Hobyo Media Network Gaalkacyo
Siciidjaa@hotmail.com

Email*

Website*