Maxamuud Maxamed Cawaale Oo Ka Tirsan Jaaliydda Gal Mudug Gaar Ahaan (U.K) Ayaaa kormeer ku tagay xarunta idaacadda codka mudug ee magaalada gaalakcyo ee galmudug satate

 

 

    Maxamuud Maxamed Cawaale oo in muddo ah socdaallo  ku joogay deegaannada dowlad goboleedka gal Mudug markii Xarunta Idaacadda Codka Mudug ee Magaalada Gaalkacyo soo booqday  soona gaarsiiyay hadiyiyado iyo dhiiri galin qiimo leh ayaa sheegay in uu maamulka iyo shaqaalaha Idaacadda Codka Mudug uu ku ammaanayo sida ay ugu adeegaan bulshadooda ayna u go,aansadeen in daruufo kasta oo haysta ay dadaalkooda qabad ku kasbadaan kalsoonida iyo taageerada bulshada Soomaaliyeed gaar ahaan tan gobolka Mudug.

 

   Maxamuud Maxamed Cawaale oo ka mid ah Guddiga Jaaliyadda Ingiriiska  waxaa  kaloo uu sheegay in horumarka bulshada gal mudug  gaar ahaan tan Magaalada Gaalkacyo aanay ku tilaabsadeen Idaacadda La.aanteed,isagoo halkaasi ka caddeeyay  warbixinno la xariira waxqabadka Jaaliyadda  iyo daruufaha ka jira deegaannada Gal Mudug  sida waxbarashada.Caafimaadka.Isboortiga iyo Idaacaddaba uuna  gaarsiin doono saaxiibbadiisa Jaaliyadda Gal Mudug  guud ahaan iyo gaar ahaan tan dalka Ingiriiska.

 

  Mr Cawaale waxaa kaloo uu maamulka iyo shaqaalaha Idaacadda codka Mudug ka codsaday in ay dadaalkooda sii xoojiyaan,isagoo dhinaca kalana warbixin ka siiyay doorka iyo dadaalka wax qabad ee Jaaliyadda Gal Mudug ay ku doonayso in door wax ku ool ah ay ka qaadato howlaha ka socda deegannada Gal Mudug.

 

   Maxamuud Maxamed Cawaale muddooyinkii  uu booqanayay Xarunta Idaacadda Codka Mudug ee Magaalada Gaalkacyo waxaa ay warbixinno iyo talooyin isdhaafsadeen Agaasimaha Idaacadda Codka Mudug Cilmi Kulan Geeddi.Madaxda qaybaha iyo shaqaalaha Idaacadda qaarkood

 

Agaaasimaha iyo qaybahaasi kale ayaa Mr Cawaale kaga warbixiyeen taariikhda.Wararka iyo Barnaamijyada ay Idaacaddu baahiso waqtiyada ay hawada ku jirto halka uu gaarsiisan yahay maqqalkeedu iyo daruufaha ka dhax jiraba.

 

   Socaalkaan ugu dambeeyay ee Maxamuud Maxamed Cawaale uu ku masalaamaynayay qaybaha Idaacadda Codka Mudug  oo ay ku wehliyeen Guddoomiyaha Guddiga Gos ee Gobolka Mudug Cabdulqaadir Xasan Cawaale iyo waliba Cabdisalaan Xasan Cawaale ayaa waxaa kaloo halkaasi ka hadlay Guddoomiyaha Gos deegaannada Gal Mudug  Cabdulqaadir  Xasan Cawaale oo si aad ah u qiray doorka iyo dadaalka waxqabad ee ay Idaacaddu u hayso bulshada iyo sida loogu baahan yahay in loogaga taakuleeyo wax ka qabashada culaysyada dhinacyo kala duwan ka haysta.

 

    Maxamuud Maxamed Cawaale oo booqashadiisa kadib u amba baxay dalka Ingiriiska ayaa intii uu joogay xarunta Idaacadda  isaga iyo hawl wadeenada  kalaba waxaa ay booqdeen qayba Kala duwan ee idaacadda sida Istuudiyaha.Qaybta Farsamada,Warqadka iyo Kayka Cajaladaha.

 

Cabdalla M.Cabdulle
hobyoradio Gaalkacyo
Galmudug State SOMalia
Mobail:0025290752260
Cabdalla45@hotmail.com