Xafladdii ugu horaysay ee soomaali oo qalin jabin ah ayaa ka dhacday magaalda HYDerabad ee dalka India.‏

Waxaa 26kii bishan ka dhacday Magaalada HYDerabad ee Dalka India Xaflad qalin jabin ah oo loo qabtay Ardayda Somaliyeed ee sanadkan ka qalin jabisay Dhamaan jaamacadaha dalkan India.

Waa Markii Ugu horaysay Muddo 17 sano ah ay magaalada HYDerabad ama dhamaan dalka India Ka suura gasho Inay ka dhacdo xaflad si qaas ah loogu dhigayay dhalinta somaliyeed ee ka qalin jabisay jaamacadaha ku yaala dalkan India.

Xafladan ay  qabanqaabadeeda iska lahaayeen Ururka ay ku midaysanyihiin Ardayda  soomaliyeed ee loo yaqaano Somali Students Association ee marka la soo gaabiyo loo yaqaano S.S.A. Iyo qaar ka mid ah arday  ka tirsan ururka Foriegn Students Association {F.S.A.} Iyo Hooyooyinka soomaaliyeed ee ku nool magaaladan HYDerabad oo lafdhabar u ahaa  qabsoomidda Xafladan.

Dadkii ka soo qayb galay xafladan ayaa si wayn ula dhacay ayagoo  u ilmeenayay  markii ay maqleen heesta calanka oo si qashuucsan loogu wada istaagay.

Ugu horayn waxa halkaa ka hadlay Gudoomiyaha Ururka Somali Students Association {S.S.A. } Mr.faysal Maxamed Mataan  oo asagu ka warbixiyay sababaha kaliftay in xilligan loo qabto ardayda soomaaliyeed markii ugu horaysay xaflad qalin jabin ah asagoo waliba u mahadceliyay dadkii ka soo qayb qaatay diyaarinta xafladaas.

waxaa kaloo halkaasi ka hadashay Ardayad  ka mid ah ardaydii sanadkan ka qalin jabisay  Jaamacadda Osmania University oo la yiraahdo Zahro Xaamud ayaa ka warbixisay qabiirnimadeeda ku aadan xagga waxbarashada iyo dalkan India ayadoo ardayda kalana ku guubaabisay in ay  sii wataan waxbarashada ilaa heer sare, Zahro Xaamud ayaa  soo jiidatay Darenka marti  sharaftii  ka soo qayb gashay  xafladaas markii ay ka warbixisay faa'idada waxbarashadu ay u leedahay Ragga Iyo Hablaha Soomaalieed.

Barnaamijyadii lagu soo bandhigay xafladan ayaa waxa ka mid ahayd Ruwaayad   ka turjumaysay  Faa'idada ay waxbarashadu u leedahay aayaha umadda soomaaliyeed  iyo sida loogu baahnaa in la helo arday soomaaliyeed oo si midaysan u samaysta urur soomaaliyeed ka hor intii aan la aas aasin Ururkan Somali Students Association ( S.S.A. ) kaa soo wax ka qabta  dhibaatoyinka  ay la kulman ardayda soomaliyeed marka ay wadanka yimaadaan iyo qoysaska ku dhaqan magaladan HYDerabad maadama aysan jirin safaarad ama safiir wax ka qabta   dhibaatooyinka  la soo gudboonaada soomaalida ku dhaqan dalkan India.

ruwaayadaas magaceedu ahayd hyderabad iyo howlaheda waxayna ka turjumaysay dhibaatooynka kala duwan ay la kulmaan ardayda soomalaiyeed e ku nool wadankan India gaar ahaan magaaladan HYDerabad waxana soo alifay Directorka da'da yar ee C/raxmaan Yuusuf maxamed thnx sxb.
Ruwaayadaas oo ay jilayeen arday ayagu s wayn u qanciyay dadkii ka so qaybgalay bal aan kuu xuso magacyadooda :

1: Directorka Ruwaayadda C/raxman Yuusuf maxamed
2: C/kariin daahir Aadan (Baajiyo)
3:Ciise Cismaan Yuusuf
4:Xasan maxmaed yuusuf  
5:Najiib Abdirisaq warsame
6:Faysal maxamed mataan
7:cabdi qorane Aadan
8:Cumar badmaax
9:Muxubo Faarax
10:Sadio Sheikh Salad
11:Abdiwali Maxmed Abtidoon
waxaa gabagabadii ka hadlay halkaas Dr. Maxamed Maye oo ah Dhaqtar Soomaaliyeed oo In muddo ah ka soo shaqaynayay Magaalda mogadisho xilliyadii dagaaladii ugu danbeeyay ay ka jireen  caasimadda soomalia ee Mogadisho.

Asagoo ka codsaday Dowladda somalia iyo mas'uuliyiinta Gobolka Banaadir  inay dib u furaan goobaha waxbarasho ee ku xirmay dagaaladii ugu foosha xumaa ee sanadkii tagay ka dhacayay magaalad Mogadisho.

Gabagabadi xafladan ayay ku soo gabagabowday jawi farxadeed ayadoo laga dheehan karay dadkii ka soo qayb galay farxad saa'id ah iyo sida ay ula dhacsanaayeen xafladan markii ugu horaysay muddo 17 sano ah loo qabtay arday soomaliyeed ee dalkan India ka qalin jabisay.

By: wariye Najiib Abdirizak Warsame { Najiib yare }
MagaaladaHyderabad ee Dalka India.
Tell: 0091-9618398299  or  0091-9700161549
Email : Najiibyare4@hotmail.com