Wafti uu hogaaminayo Dr. Cumar Salaad Elmi ayaa kasoo dagay garoonka diyaaradaha magalada Gaalkacyo ee xarunta dowlad goboleedka Galmudug State.

Ergo uu kamid yahay Dr. Cumar Salaad Elmi,  Dr. Jeemis Xasan Yare iyo Gaashaanle Nuur Qayd  ayaa si diiran loogu soo dhaweeyay garoonka magaladaa Gaalkacyo, Ergadan oo ka kala yimid  dalalka Ingriiska iyo Canada ayaa kasoo kicitimay magalada Dubai ee Imaradka Carabta.

Waftigan ayaa waxaa si diiran usoo dhaweeyay wasiirka Amniga Cumar Suuri, wasiirka howlaha guud Xasan Maxamuud Hayl, gudoomiye iyo gudoomiye xigeenka gobolka Hobyo Col. Max’ed Ahmed Caalin iyo C//laahi Digsi, komishiner Cali Tooye, duga magalada Gaalkacyo Col. Siciid Bul Bul,Ganacsatada,  Golaha  Dhaqanka, Culimadda  iyo haweenka Galmudug State.

 

Waftigan oo wakiil ka ah jaaliyadaha Galmudug ee W/amerika iyo  Yurub ayaa loo galbiyay dhanka madaxtooyada Galmudug halkaasoo ay kulan kula qaateen madaxweynaha dowlad goboleedka Galmudug  Mudane. Max’ed Warsame Cali Kiimiko iyo golahiisa wasiirada.

 

Waftigan oo ay ergo ahaan usoo direen jaaliyadaha dibada W/amerika iyo  Yurub ayaa u yimid sidii ay u dhamayn lahaayeen khilaafka soo kala dhexgalay Golaha Xukuumadda iyo Barlamaanka.

Gaalkacyo, Galmudug State of Soomaaliya