Wasirka qorshayta iyo xiriirka caalamka ee Galmudug Dr. Cumar Maxamud Max'ed Rooble Cumar Suri ayaa soo gaaray magalada Birmingham ee dalka Ingriiska, wasiirka ayaa socdaal dheer kusoo maray dalka Kenya asagoo ugu sii gudbiyay magalada Qaahira ee dalka  Masar halkaasoo uu kula kulmay jaaliyada, ardada iyo masuuliyiin katirsan jaamacada Anzar.

Jaaliyada Galmudug ee magalada Birmingham ayaa siweyn usoo dhaweysay wasiirka waxaana shirka gudoominayay islamarkaana soo dhaweeyay wasiirka  Sh. Max'ed Hashi Cali Barre. ayadoo lagu jiro bisha barakaysan ee ramadaan, wasiirka ayaa isagu deegaan ahaan daganaaa magalada Birmingham oo uu ka maqnaa mudo 3 sano ah oo uu howlo shaqo ugu maqnaa Galmudug.

Dr. Cumar Suri wuxuu xilal kasoo qabtay dowladii hore ee Prof. Kiimiko, asagoo ahaa wasiirkii amniga ee xiligii la qaaday isbaarooyinka, loo sameeyay darays ciidamada booliska Galmudug, islamarkaana la xareeyay malayshiyadii hubaysan ee deegaanka,wuxuu asagu siin-jiray malayshiyada casharo dhanka maamul wanaaga iyo anshaxa, Dr. Cumar inta aanu xilka qaban kahor wuxuu ahaa gudoomiyihii guddiga abaaraha 2007-2008 ee ka qaybqaatay quudinta iyo biyo dhaamintii dadkii abaarta xumi kudhufatay ee deegaanada Galmudug.

Dr. Cumar Maxamuud Max'ed wuxuu yaraantiisii waxbarasha kusoo qaatay dugsiga hose/dhexe iyo sare  ee magalada Boorame ee gobolka waqooyi bari Somaliya, kadib wuxuu waxbarshadiisa ku dhameeyay magalada Muqdisho oo uu kaga baxay jaamacadii lafoole ee qaranka Somalia, wuxuu taqasuskiisa ku qaatay dalka Sweden iyo Ingriiska.

Wasiirka ayaa la filayaa inuu socdaal ku maridoono dalalka Yurub asagoo kulamo la yeelandoona jaaliyadaha faraha badan ee Galmudug ee kudhaqan magalooyinka London, Stockholm, Oslo, Kopenhagen iyo Helsing, Finland.