Maansadan waxa curiyey Maxamed Xirsi Guuleed, taariikhdan 30-08-2007 oo ku beegan isla maalintii ay soo shaacbaxday in shirkii Xamar  ku soo dhammaatay natiijo la´aan. Waxa jiray gabay hore oo uu Maxamed Xirsi ku sii saadaaliyey natiijada shirkaas. Gabayga hore ka fiiri tusaale ahaan: http://www.somalitalk.com/2007/jun/01jun107.html.  

Fadhiga Morgan, Max'ed Dhere, Cabdi Qaybdid            ( Geedi oo itoobiya  sido )

Wuxu yidhi: 

Shirkii beenta ahaa

Saw wax baaba´ay maaha? 
 

Intii aanu bilaaban

Bil horteed warkan sheegay

Sow buruuf hadda maaha? (http://www.somalitalk.com/2007/jun/01jun107.html)’ 
 

Waxay baaq daldaleen

Ama buunan tumeen

Ama maal bixiyeen

Hal bacaad lagu maalay

Iyo boodh la afuufay

Sow bulshooy lama moodo? 
 

Raggii baadilka doortee

Xaqqa beeca yar siistay

maanta baylah aduunyiyo

boori sow kuma taallo? 
 

Biidhi qaate hungoobiyo

Naag busaaradi haysiyo

Wixii buuryaqab gaalo

laga buuxshay garaashka

Wax miyey bedeleen?

Mise Baaderigiibaa

Bartuu doonayey gaadhoo

Baahidiisi dhammaatay? 
 

Maxaa beeso qasaartay

Maxaa duul sharaf belay

Muxuu gaal balagtii leh

Birmad doolar keenayoo

Lagu boobay qallaylka 
 

Maxaa baalashleyaaliyo

Jirri qaad u basaastay

Inta daar laga buuxshay

Bogga laysugu saaray

Beel ayey metelaan. 
 

Fa nacuudu billaahi

Bilaash-xayte hallaabiyo

Bakhti-hiigyada leexday

Ee gumayste bahaystay 

Maxamed Xirsi Guuleed

abdibashir@hotmail.com

2007-08-30